અમદાવાદઃ કોઈપણ બાળક આર્થિક રીતે સક્ષમ ન હોવાના કારણે શિક્ષણથી વંચિત ન રહી જાય તે માટે શહેરની જાણીતી સામાજિક સંસ્થા દ્વારા ‘પસ્તી સે પઢાઈ તક’ નામક વિશેષ પહેલ હાથ ધરવામાં આવી રહી છે. જે અંતર્ગત રવિવારના રોજ અમદાવાદના ઘાટલોડિયા ખાતે આવેલા નિર્માણ ટાવર ખાતે મેગા પસ્તી કલેક્શન ડ્રાઇવનું આયોજન કરવામાં આવ્યું હતુ.
‘પસ્તી સે પઢાઈ તક’ એક એવી પહેલ છે, જેમાં લોકો પાસેથી પસ્તી એટલે કે વેસ્ટ પેપરનું દાન સ્વિકારવામાં આવે છે અને પસ્તીના વેચાણ થકી જે આવક થાય છે, તેને આર્થિક રીતે નબળા બાળકોના અભ્યાસ અર્થે ખર્ચ કરવામાં આવે છે. નિર્માણ ટાવર ખાતે આયોજીત મેગા પસ્તી કલેક્શન ડ્રાઇવમાં ડ્રીમ ફાઉન્ડેશનના 25થી વધુ વોલેન્ટિયર્સ અને સ્થાનિકો જોડાયા હતા, જેઓએ નિર્માણ ટાવરમાં રહેતા લોકોને પ્રોજેક્ટ વિશેની સમજ આપી તેમને પસ્તીનું દાન આપવા અપીલ કરી હતી.
વોલેન્ટિયર્સના સફળ પ્રયત્નો થકી બહોળા પ્રમાણમાં પસ્તીનું કલેક્શન કરવામાં સફળતા મળી હતી. આ સેવાકાર્યમાં સહયોગ બદલ તમામ નિર્માણ ટાવરના રહીશોનો ડ્રીમ ફાઉન્ડેશન હૃદયપૂર્વક આભાર માને છે. ‘પસ્તી સે પઢાઈ તક’માં આપના અમૂલ્ય યોગદાન માટે આપ સંસ્થાનો સંપર્ક કરી શકો છો.
You may also like
-
અમદાવાદ ઇન્ટરનેશનલ લિટરેચર ફેસ્ટિવલ (AILF)ની 10મી એડિશન 11 અને 12 ઓક્ટોબર 2025 ના રોજ યોજાશે
-
શિવમ ચેરિટેબલ ટ્રસ્ટ દ્વારા બીએસએફ જવાનો સાથે વિશિષ્ટ સાંસ્કૃતિક કાર્યક્રમ અને ગરબાનું આયોજન
-
અમદાવાદમાં મોરપીંછ પ્રસ્તુત “શુભ મંડળી” દ્વારા પ્રીમિયમ મંડળી ગરબા
-
અમદાવાદમાં રાધે ફાર્મ ખાતે “માઁ નો ગરબા”ની પ્રિ- નવરાત્રિના ભાગરૂપે જામી ગરબાની રમઝટ
-
ગુજરાત એડોલેસન્ટ હેલ્થ એકેડેમી(AHA) દ્વારા અમદાવાદમાં 19-21 સપ્ટેમ્બર, 2025 દરમિયાન “ADOLESCON 2025” કોન્ફરન્સનું આયોજન