પ્રતીક ગાંધી અને જાનકી બોડીવાલા સ્ટારર ગુજરાતી ફિલ્મ ‘તંબુરો’ 12મી માર્ચથી થશે JOJO એપ પર સ્ટ્રીમ

ગુજરાતી સિનેમાના ચાહકો માટે મનોરંજનના એક નવા અધ્યાયની શરૂઆત થવા જઈ રહી છે. ધમાકેદાર કોમેડી એન્ટરટેઈનર ગુજરાતી ફિલ્મ ‘તંબુરો’ હવે ઓટીટી પ્લેટફોર્મ JOJO APP (જોજો એપ) પર સ્ટ્રીમ થવા જઈ  રહી છે. પોતાની અનોખી વાર્તા અને શાનદાર કોમેડીને કારણે થિયેટરોમાં ધૂમ મચાવ્યા બાદ, હવે આ ફિલ્મ વિશ્વભરના ગુજરાતી દર્શકો માટે 12 મી માર્ચ, 2026 ના રોજ JOJO એપ પર આવી રહી છે. હળવા અંદાજમાં ગંભીર પરિસ્થિતિઓને હાસ્યમાં પલટાવતી આ ફિલ્મ ગુજરાતી પરિવારો માટે એક પરફેક્ટ એન્ટરટેઈનર સાબિત થઈ છે.

આ ફિલ્મની સૌથી મોટી ખાસિયત તેની પ્રતિભાશાળી સ્ટારકાસ્ટ છે, જેમાં ગુજરાતી સિનેમાના દિગ્ગજ કલાકારો એકસાથે જોવા મળે છે. ‘સ્કેમ 1992’ ફેમ પ્રતીક ગાંધી, લોકપ્રિય અભિનેત્રી જાનકી બોડીવાલા, ભરત ચાવડા અને અદભૂત કોમિક ટાઈમિંગ ધરાવતા ઓજસ રાવલે પોતાના અભિનયથી ફિલ્મમાં પ્રાણ ફૂંક્યા છે. આ કલાકારોની જુગલબંધી અને કથામાં આવતા ટ્વિસ્ટ દર્શકોને શરૂઆતથી અંત સુધી જકડી રાખે છે. ફિલ્મની વાર્તા મિત્રતા, અણધાર્યા સંજોગો અને તેનાથી સર્જાતી રમુજની આસપાસ વણાયેલી છે, જે દરેક ઉંમરના પ્રેક્ષકોને આકર્ષે છે.

આ પ્રસંગે JOJO એપના ફાઉન્ડર અને CEO ધ્રુવિન શાહે ઉત્સાહ વ્યક્ત કરતા જણાવ્યું હતું કે, “અમારો મુખ્ય ઉદ્દેશ્ય શ્રેષ્ઠ ગુજરાતી કન્ટેન્ટને ટેકનોલોજીના માધ્યમથી વિશ્વના ખૂણે ખૂણે વસતા ગુજરાતીઓ સુધી પહોંચાડવાનો છે. ‘તંબુરો’ જેવી સુપરહિટ કોમેડી ફિલ્મ જ્યારે અમારા પ્લેટફોર્મ પર આવી રહી છે, ત્યારે અમને ગર્વ છે કે અમે દર્શકોને શુદ્ધ પારિવારિક મનોરંજન પીરસી રહ્યા છીએ. પ્રતીક ગાંધી અને જાનકી બોડીવાલા જેવા કલાકારોની આ ફિલ્મને ડિજિટલ માધ્યમ પર અદભૂત પ્રતિસાદ મળશે તેવી અમને પૂરી આશા છે.”

સિચ્યુએશનલ કોમેડીથી ભરપૂર આ ફિલ્મ 12 માર્ચથી JOJO એપ પર સ્ટ્રીમ થશે. JOJO એપ દ્વારા શ્રેષ્ઠ ગુણવત્તામાં આ ફિલ્મ રજૂ કરીને ગુજરાતી સિનેમાના વારસાને વધુ વ્યાપક બનાવવાનો પ્રયાસ કરવામાં આવ્યો છે.

ઉલ્લેખનીય છે કે JOJO એપ એ વિશ્વનું પ્રથમ અને સૌથી ઝડપથી વિકસતું ગુજરાતી OTT પ્લેટફોર્મ છે, જે 177 થી વધુ દેશોમાં ગુજરાતી સંસ્કૃતિ અને મનોરંજનને પહોંચાડી રહ્યું છે. આ એપ પર ફિલ્મો, વેબ સિરીઝ, નાટકો અને રિયલિટી શોનો ખજાનો ઉપલબ્ધ છે. આ પ્લેટફોર્મ દરેક ગુજરાતીના મોબાઈલ સુધી ઉચ્ચ ગુણવત્તાવાળું કન્ટેન્ટ પહોંચાડવા માટે કટિબદ્ધ છે.

ગુજરાતી મનોરંજન જગતમાં ક્રાંતિ લાવનાર JOJO એપ આજે માત્ર એક પ્લેટફોર્મ નથી, પણ એક વૈશ્વિક ઓળખ બની ગયું છે. વર્ષ 2026 સુધીમાં આ એપ 70 લાખ (7 Million+) થી વધુ યુઝર્સનો અતૂટ વિશ્વાસ જીતી ચૂકી છે, જે તેની વધતી જતી લોકપ્રિયતાનો પુરાવો છે. એટલું જ નહીં, એપ પર જોવા મળતો 63% રિટેન્શન રેટ સ્પષ્ટપણે દર્શાવે છે કે પ્રેક્ષકોને તેનું કન્ટેન્ટ ખૂબ જ પસંદ આવી રહ્યું છે અને તેઓ સતત પ્લેટફોર્મ સાથે જોડાયેલા રહે છે. હાલમાં આ પ્લેટફોર્મ પર 200 થી વધુ વૈવિધ્યસભર ટાઇટલ ઉપલબ્ધ છે, જેનો કુલ વૉચ ટાઈમ 700 કલાકથી પણ વધુ છે, જે દર્શકોને મનોરંજનનો ખજાનો પૂરો પાડે છે. JOJO એપ માત્ર ડિજિટલ મનોરંજન સુધી સીમિત નથી, પરંતુ તે ગુજરાતી સંસ્કૃતિની ધરોહરને પણ સાચવી રહ્યું છે. ‘શેરી ગરબા’ અને ‘ચલ મન વૃંદાવન’ જેવા ભવ્ય સાંસ્કૃતિક કાર્યક્રમોમાં સહભાગી થવાને કારણે એપને ખૂબ જ લોકપ્રિયતા મળી છે. JOJO એપ પ્રતિષ્ઠિત ‘ફેમિના એવોર્ડ્સ 2024’ ની ઓફિશિયલ સ્ટ્રીમિંગ પાર્ટનર પણ રહી ચૂકી છે.