વાક્યમ સ્ટુડિયોઝ દ્વારા નિર્દેશક ધ્રુવગોસ્વામીના માર્ગદર્શન હેઠળ 7 જૂન, 2025 ના રોજ “સ્ક્રિપ્ટ ટુ સ્ક્રીન” ફિલ્મ મેકિંગ વર્કશોપનું આયોજન

અમદાવાદ, મે 2025 : વાક્યમ સ્ટુડિયોઝ દ્વારા એક અનોખી અને શ્રેષ્ઠ તકો આપવા માટે તૈયાર થયેલ બેઝિક ફિલ્મમેકિંગ વર્કશોપ “સ્ક્રિપ્ટ ટુ સ્ક્રીન” 7 જૂન, 2025 ના રોજ યોજાવાનો છે. 16 વર્ષ કે તેથી વધુ વયના લોકો માટે ઉદ્દેશિત આ વર્કશોપનું માર્ગદર્શન જાણીતા લેખક અને નિર્દેશક ધ્રુવ ગોસ્વામી કરશે, જેમણે કાશી રાઘવ જેવા પ્રશંસિત પ્રોજેક્ટ પર કાર્ય કર્યું છે. આ વર્કશોપ ફિલ્મમેકિંગની શરૂઆતથી અંત સુધીની 360 ડિગ્રી સમજ આપે તેવી રીતે રચાયેલ છે – જેમાં સ્ક્રિપ્ટ લખવાથી લઈ પ્રોડક્શન સુધીની દરેક પધ્ધતિને આવરી લેવામાં આવી છે.

દરેક સહભાગીઓ માટે આ વર્કશોપ અનેક વિશિષ્ટ તકોથી ભરપુર રહેશે જેમાં બોલીવૂડ અને ઢોલીવૂડના સુપ્રસિદ્ધ ફિલ્મમેકર્સ સાથે સીધી મુલાકાત, ફિલ્મ ઉદ્યોગમાં કન્ફર્મ પ્લેસમેન્ટની તક, ફિલ્મ બનાવવાની મૂળભૂત માહિતી અને વ્યાવસાયિક ટૂલ્સની ઓળખ સાથે વ્યાવસાયિક અનુભવ મળશે.

આ પહેલ અંગે નિર્દેશક અને વાક્યમ સ્ટુડિયોઝના સંસ્થાપક ધ્રુવ ગોસ્વામી જણાવે છે : “આ વર્કશોપ ફક્ત ટેકનિક શીખવવાનો નથી, પણ જનૂન જગાડવાનો, આત્મવિશ્વાસ ઊભો કરવો અને ઉદ્યોગના દરવાજા ખુલ્લા કરવા માટે છે. અમારું લક્ષ્ય એ છે કે ઇચ્છુક ફિલ્મ નિર્માતાઓને એવું વાતાવરણ આપવા માંગીએ છીએ જ્યાં તેઓની કલ્પના હકીકતમાં બદલાય અને શીખેલી બાબતો તેમને સીધી તકો તરફ લઈ જાય.

મર્યાદિત બેઠકોને ધ્યાનમાં રાખીને, આ વર્કશોપમાં ભાગ લેવા ઇચ્છુક ઉમેદવારો માટે અગાઉથી નોંધણી કરવી અત્યંત મહત્વપૂર્ણ રહેશે.