ઇન્ડસ યુનિવર્સિટીમાં iAGNi ઇન્સ્ટિટ્યૂટનું ઉદ્ઘાટન, ગ્રીન નેનોટેક સંશોધન તરફ નવું પગલું

અમદાવાદ: ઇન્ડસ યુનિવર્સિટીએ તારીખ ૬ ડીસેમ્બર,૨૦૨૫ના રોજ ઇન્ડસ એડવાન્સ ગ્રીન નેનોટેક્નોલોજી ઇન્સ્ટિટ્યૂટ (iAGNi) નું ઉદ્ઘાટન કર્યું. દીપ પ્રજ્વલનથી કાર્યક્રમની શરૂઆત થઈ અને બાદમાં વિવિધ અતિથિઓએ સંબોધન કર્યું.

આ સમારોહના મુખ્ય અતિથિ,પદ્મશ્રી અને પદ્મભૂષણ તથા પ્રખ્યાત હ્રદય રોગ નિષ્ણાત ડૉ. તેજસ પટેલ પોતાના પ્રવચનમાં ગ્રીન નાનોટેક્નોલોજીના આરોગ્ય અને સંશોધન ક્ષેત્રમાં વધતા મહત્વ પર ચર્ચા કરી. ગેસ્ટ ઓફ ઓનર ડૉ. કે. એસ. નાગેશ એ આંતરવિષયક સંશોધનની આવશ્યકતા વ્યક્ત કરી.

ડૉ. નાગેશ ભંડારી, ડૉ. અનંતકુમાર હેગડે અને ડૉ.કટ્ટેશ વી. કટ્ટી એ પણ પોતાના વિચારો રજૂ કર્યા. ઉદ્ઘાટન બાદ મહેમાનોએ ઇન્સ્ટિટ્યૂટની સુવિધાઓની મુલાકાત લીધી હતી.