12 માર્ચ, 2026 – આજે, ડિઝની એડવેન્ચર જહાજે તેના પ્રથમ મહેમાનોનું સ્વાગત કર્યું અને સિંગાપોરથી તેની પ્રથમ ઐતિહાસિક સફર (Maiden Voyage) શરૂ કરી. આ સાથે જ તે એશિયામાં પોતાનું હોમપોર્ટ બનાવનાર પ્રથમ ડિઝની ક્રૂઝ લાઇન શિપ બની ગયું છે. આ જહાજ ડિઝનીની 100 વર્ષથી પણ વધુ સમયની વાર્તા કહેવાની કળાનો વારસો ધરાવે છે. તે એશિયાના પ્રવાસીઓ માટે ડિઝની, માર્વેલ અને પિક્સારની લોકપ્રિય વાર્તાઓને એક અનોખા અને નવા અંદાજમાં જીવંત કરે છે.
ડિઝની એડવેન્ચર પર, સાત અનોખી થીમ આધારિત વિસ્તારો દ્વારા જાદુ જીવંત થાય છે: ડિઝની ઈમેજિનેશન ગાર્ડન, ટોય સ્ટોરી પ્લેસ, સેન ફ્રાન્સોક્યો સ્ટ્રીટ, ટાઉન સ્ક્વેર, વેફાઈન્ડર બે, ડિઝની ડિસ્કવરી રીફ અને માર્વેલ લેન્ડિંગ. આ દરેક વિસ્તારોમાં ફેલાયેલ, મહેમાનો પરિવારના દરેક સભ્ય માટે કંઈક ને કંઈક માણી શકે તેવું શોધી શકે છે, જેમાં મંત્રમુગ્ધ કરી દે તેવા મનોરંજનના કાર્યક્રમો, રોમાંચક આકર્ષણો, સ્વાદિષ્ટ ભોજનના વિકલ્પો, વિશિષ્ટ રિટેલ દુકાનો અને ઘણું બધું શામેલ છે.
દરિયામાં શ્રેષ્ઠ સ્તરનું મનોરંજન પૂરું પાડવા માટે જાણીતી ડિઝની ક્રૂઝ લાઇન, ડિઝની એડવેન્ચર પર 40 થી પણ વધુ શાનદાર મનોરંજનના અનુભવો સાથે પોતાની મર્યાદાઓથી પણ આગળ વધી ગઈ છે. અહીં ડિઝનીઝ સીઝ ધ એડવેન્ચર અને મનપસંદ કેરેક્ટરસાથેની મુલાકાત જેવા લોકપ્રિય કાર્યક્રમો ફરી જોવા મળશે, તેની સાથે આ જહાજ માટે ખાસ તૈયાર કરવામાં આવેલી નવી રોમાંચક સુવિધાઓ પણ છે—જેમાં ખાનગી કેરાઓકે રૂમ, તદ્દન નવા ગેમ શો અને વોલ્ટ ડિઝની થિયેટરમાં ‘રીમેમ્બર’ શીર્ષક હેઠળ રજૂ થતો એક અદભૂત નવો સ્ટેજ શો શામેલ છે.
મહેમાનો અપર ડેક પર આખા પરિવાર માટે ખાસ રચાયેલ વિવિધ આકર્ષણોનો આનંદ પણ માણી શકે છે. માર્વેલ લેન્ડિંગ ખાતે, ગ્રૂટ ગેલેક્સી સ્પિન એક મજેદાર રાઈડ છે જ્યાં મહેમાનોને અવકાશયાન ચલાવવાનો અનુભવ મળે છે, જ્યારે ટોય સ્ટોરી પ્લેસ ખાતે, વુડી એન્ડ જેસીસ વાઈલ્ડ સ્લાઇડ્સ બાળકો અને જેઓ હૃદયથી હજુ પણ બાળક છે તે તમામ માટે પાણીમાં મોજ-મસ્તીના અવસર આપે છે. આ આનંદદાયક અનુભવો એ ઘણી બધી રીતોમાંની એક છે જેના દ્વારા મહેમાનો ડિઝની એડવેન્ચર પર રમી શકે છે, નવી વસ્તુઓ શોધી શકે છે અને મજા કરી શકે છે.
શિપ પર દિવસભરની પ્રવૃત્તિઓનો આનંદ માણ્યા પછી, દરેક દિવસના અંતે ગ્રૂપમાં સાથે મળીને રોટેશનલ ડાઇનિંગ રેસ્ટોરન્ટ્સમાં અદભૂત ભોજન માણી શકાય છે. ડિઝની એડવેન્ચર પાસે છ મુખ્ય ડાઇનિંગ રેસ્ટોરન્ટ્સ છે, અને મહેમાનોને તેમના નિર્ધારિત રોટેશન મુજબ આમાંથી ત્રણ સ્થળોનો અનુભવ કરવાની તક મળશે. ખાસ વાત એ છે કે, આખી સફર દરમિયાન તમારા પરિવાર માટે એક સમર્પિત સર્વિસ ટીમ નિયુક્ત કરવામાં આવશે જે દરેક રેસ્ટોરન્ટમાં તમારી સાથે રહેશે. પરિવારો અન્ય વિવિધ ભોજન વિકલ્પો સાથે અનુકૂળ ભોજન અને નાસ્તાનો આનંદ પણ માણી શકે છે – જેમાં ક્વિક બાઇટ્સ, કેઝ્યુઅલ ડાઇનિંગ, 24-કલાક રૂમ સર્વિસ, સ્પેશિયાલિટી ટ્રીટ્સ અને ગોર્મેટ કાફેનો સમાવેશ થાય છે.
મહેમાનો વિદાય લે તે પહેલાં, જહાજની વિશાળ રિટેલ ઓફરિંગની મુલાકાત લેવી અનિવાર્ય છે. લગભગ 17,000 ચોરસ ફૂટની રિટેલ જગ્યા ધરાવતું, ડિઝની એડવેન્ચર દરિયામાં સૌપ્રથમવાર હોય તેવા કેટલાય રિટેલ અનુભવો રજૂ કરે છે. મહેમાનો ચાહકોના મનપસંદ વર્લ્ડ ઓફ ડિઝનીમાં ખરીદી કરી શકે છે, નેશનલ જિયોગ્રાફિક સ્ટોરની મુલાકાત લઈ શકે છે, અને ખાસ સમર્પિત એવા સૌથી પહેલા ડફી એન્ડ ફ્રેન્ડ્સ શોપમાં પ્રવેશ કરી શકે છે. અનોખી દુકાનો અને વિશિષ્ટ મર્ચેન્ડાઇઝની વિશાળ શ્રેણી સાથે, આ અવિસ્મરણીય યાત્રાને યાદગાર બનાવવા માટે મેમેન્ટોઝની કોઈ કમી રહેશે નહીં.
ડિઝની ક્રૂઝ લાઇનના કાફલામાં સૌથી મોટા જહાજ તરીકે, ડિઝની એડવેન્ચર 6,700 જેટલા મહેમાનોને સમાવી શકે છે અને તેને એક સમર્પિત ક્રૂ મેમ્બર્સની ટીમનો સાથ મળે છે, જે ડિઝનીની સુપ્રસિદ્ધ સર્વિસ આપવા માટે કટિબદ્ધ છે. હવે તેની પ્રથમ સફર શરૂ થવાની સાથે જ, ડિઝની એડવેન્ચર એશિયા અને તેનાથી આગળના પરિવારો માટે એક રોમાંચક નવા પ્રકરણની શરૂઆતનો સંકેત આપે છે.