અમદાવાદ: ત્રાગડ-ચાંદખેડા વિસ્તારમાં આવેલી ‘ધી એવાન્સ’ (The Evans) સોસાયટી ખાતે નવરાત્રી મહોત્સવની અત્યંત ધામધૂમ, ઉત્સાહ અને ભક્તિભાવપૂર્વક ઉજવણી કરવામાં આવી હતી. આ સાંસ્કૃતિક પર્વ દરમિયાન સોસાયટીના બાળકો, યુવાનો અને સિનિયર સિટીઝન્સે પરંપરાગત ચણિયાચોળી અને કેડિયા જેવા રંગબેરંગી પરિધાનમાં સજ્જ થઈને પ્રાચીન અને અર્વાચીન ગરબાના તાલે મોડી રાત સુધી રાસ-ગરબાની રમઝટ બોલાવી હતી. દરરોજ સાંજે મા અંબાની પૂજા-અર્ચના અને ભવ્ય મહાઆરતીનું આયોજન કરવામાં આવ્યું હતું, જેમાં તમામ રહીશોએ એકત્રિત થઈને સમાજની સુખ, શાંતિ અને સમૃદ્ધિ માટે પ્રાર્થના કરી હતી. આ ઉત્સવ દરમિયાન ખેલૈયાઓનો ઉત્સાહ વધારવા માટે વિવિધ વયજૂથ અનુસાર ગરબા તથા ડ્રેસ સ્પર્ધા યોજવામાં આવી હતી અને વિજેતાઓને આકર્ષક ઇનામો આપીને પ્રોત્સાહિત કરાયા હતા. આયોજક કમિટીના જણાવ્યા અનુસાર, આ આયોજનથી સોસાયટીના તમામ પરિવારો વચ્ચે પરસ્પર પ્રેમ, ભાઈચારો અને એકતા વધુ સુદ્રઢ બન્યા છે. સમગ્ર કાર્યક્રમને સફળ બનાવવામાં સોસાયટીની મેનેજમેન્ટ કમિટી અને વોલન્ટિયર્સનો મહત્ત્વનો સહયોગ રહ્યો હતો.
You may also like
-
નારાયણી હાઇટ્સ ખાતે એસએનએસ કલિનરી ગ્રુપ ના ગરબા મહોત્સવમાં ઇન્ટરનેશનલ સેલિબ્રિટી ટેરોટ રીડર પુનિતજી લુલ્લા નિર્ણાયક તરીકે ઉપસ્થિત રહ્યાં
-
ક્રિષ્ના શેલ્બી હેલ્થ સિમ્પોઝિયમમાં 1,000થી વધુ લોકો જોડાયા, દક્ષિણ-પશ્ચિમ અમદાવાદ સાથે આરોગ્યસેવાનો સંપર્ક વધુ મજબૂત
-
ગુજરાતની વિસરાતી જતી લોકકળા અને સંસ્કૃતિના જતન માટે ‘હાલરડા અને લગ્ન ગીતો’ની શિબિર યોજાઈ
-
રાધે ઇવેન્ટ્સ દ્વારા મંડળી, લાઇવ પર્ફોર્મન્સ અને વ્યાજબી પાસ દર સાથે ‘રાધે રાસ નવરાત્રી 2026’ની જાહેરાત; અમદાવાદમાં જામશે ગરબાનો રોમાંચ
-
ગુજરાતમાં લાયન્સની ૭૦ વર્ષની સેવાયાત્રાની ઉજવણીમાં ડૉ. નઈમ સિરાજુદ્દીન તિરમિઝીનું સન્માન